Tre shqiptarë, anëtarë të Hellbanianz, cilësuar si një grup kriminal i rrezikshëm në jug të Anglisë, janë burgosur si të përfshirë në një grabitje të armatosur në fabrikën e një bande rivale të kanabisit.
Mësohet se Azen Dajçi, 25 vjeç është dënuar me 6 vite e 8 muaj burg.
Fabion Kuçi, 27 vjeç me 6 vite e 4 muaj burg ndërsa Ardi Sheta, 19 vjeç është dënuar me 2 vite e 9 muaj burg.
Dënimet erdhën pasi ata pranuan akuzat për grabitje në rrethana rënduese.
Ngjarja për të cilën ata akuzohen ka ndodhur pak para 4 të mëngjesit 27 nëntorit 2018.
Oficerët mbërritën brenda katër minutave dhe megjithëse një numër i të dyshuarve ikën, policia ishte në gjendje të ndalojë Dajcin dhe Kucin në vendin e ngjarjes, ku ata gjithashtu sekuestruan kanabis me një vlerë rruge rreth 30,000 paund.
Hetimet kanë vijuar për të rënë në gjurmët e burrave të tjerë të përfshirë në bastisje.
