Tanku gjerman i pamëshirshëm/ Humbjet e mëdha të Rusisë në rajonin e Kurskut

Humbjet e mëdha të Rusisë në rajonin e Kurskut, ku Moska nisi një ofensivë, raporton Forbes.

Parashutistët rusë nga Regjimenti i 51-të Ajror dhe marinsat nga Brigada e Këmbësorisë Detare 155 sulmuan frontalisht linjat e Ukrainës dje. Rusët u nisën me rreth 18 transportues të blinduar rusë të ngarkuar me ushtarë dhe mjete luftarake të këmbësorisë, si dhe pesë tanke T-72, T-80 dhe T-90. Ata u organizuan në tre grupe dhe humbjet në personel janë rekord të larta, raportojnë burime ukrainase nga Kursku.

Tanku Leopard 2A4 i Brigadës së 33-të të Mekanizuar të Ukrainsës shkatërron tanket ruse.

Dronët dhe tanket ukrainase u përballën me sulmin rus. Luftimet ishin kaotike dhe të përgjakshme dhe, në fund, rusët lanë pas 15 automjete luftarake dhe të blinduara dhe tre tanke – kjo ishte kostoja e tmerrshme e sulmit të tyre frontal.

– Jemi shumë me fat që ata kryejnë shumë sulme vetëvrasëse – tha operatori ukrainas i dronëve me pseudonimin Kriegsforscher.

Ai pretendon se dy ekuipazhe tankesh ukrainase – ndoshta nga Brigada e 17-të e Mekanizuar e Rëndë e sapokrijuar – u zhvendosën për të takuar rusët dhe dolën përpara katër transportuesve të blinduar rusë të mbushur me ushtarë.