Disa qytete të cilat kanë regjistruar raste me koronavirus janë drejt shuarjes së vatrave të infeksionit.
Ministria e shëndetësisë njoftoi ditën e sotme se Berati, Lezha, Mirdita, Rrogozhina dhe Tropoja janë zona ku të gjithë të prekurit deri tani, janë aktualisht të shëruar.
Ndërkohë kurba e numrit të të shëruarve vazhdon të shënojë rritje prej më shumë se 1 jave tashmë.
Ministria e shëndetësisë raportoi gjatë ditës së sotme se aktualisht në vendin tonë janë 251 persona të infektuar aktivë dhe numri i të shëruarve është më i lartë.
Kjo tendencë tashmë vazhdon pa luhatje prej më shumë se një jave.
Gjatë 24 orëve të fundit, 11 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 356.
