Dita e Rinisë përkon me një periudhë tejet kritike për të rinjtë shqiptarë, për të cilët dëshira për të parë një të ardhme jashtë vendit duket e legjitimuar nga mungesa e perspektivës.
Sipas profesorit të sociologjisë Zyhdi Dervishi, ky është sinjali më i keq i mundshëm për vendin, sepse “është çështja më e rëndësishme të shoqërisë shqiptare sot dhe për shumë kohë”.
Sipas tij “hapësira shqiptare është tokë e bekuar nga perëndia, por pasuria më e madhe është ajo e rinisë. Rinia dhe shtresa e mesme kanë qenë gjithmonë faktorët kyç të përparimit të shoqërisë”.
Mundësitë janë, sipas tij, që ata të mbahen brenda, edhe me kushte të mira, edhe pse “vendi i keqmenaxhuar i shndërron shqiptarët në lypsarë të rreckosur”.
Profesori shtron një tjetër problem. “Po vazhdoi kjo hemorragji, do vijnë kombësi jo shqiptare që do të ndryshojnë strukturën e popullsisë, do të ishte humbje për popullin shqiptar. Të rinjtë kanë detyrim ta bëjnë Shqipërinë, më mirë se Zvicra, se hapësira jonë është më e mirë se ajo zvicerane, me pasuri ujore dhe minerare të jashtëzakonshme”.
Ai emocionohet kur kujton gjeneratën e parë të emigrantëve shqiptarë, ku “disa prej tyre ditët e para detyroheshin të vidhnin ushqime për të mbijetuar, por më pas nuk kryenin krime” dhe janë tashmë të integruar në shoqëritë që i kanë pritur.
Ndërkohë të rinjtë tanë të pavlerësuar, me stimuj të pakët për të krijuar klasën e mesme që është e domosdoshme dhe e pranishme në çdo shtet perëndimor, dhe si pasojë pre e veseve dhe deviancës, në kërkim të një pasurie të shpejtë.
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…