Teknologjia e re sjellë përparësi për NATO-n: Depërtohet thellë në territorin e Rusisë

Radarët nga lartësia prej 18 kilometrave mund të regjistrojnë gjithë çfarë po ndodhë në rrezen prej 200 kilometrave.

Fluturaket e reja strategjike pa pilot të NATO-s, “Global Hawk” mund të përcjellin nga territori i NATO-s situatën në territor të Rusisë, shkruan gazeta norvegjeze “Verdens Gang”.

“Dronët do të fluturojnë mbi territor të NATO-s, por mund të regjistrojnë edhe atë çfarë po ndodhë larg kufirit të vendit fqinj”, ka thënë sekretari i përgjithshëm i Aleancës Jens Stoltenberg në një intervistë dhënë gazetës norvegjeze.

Sipas pretendimeve të Stoltenbergut, këto fluturake sigurojnë për NATO-n përparësi të cilën nuk e kanë as Rusia e as Kina.

Fluturaket pa pilot të cilat paraqesin versionin e ri të dronëve amerikanë “Global Hawk”, mund të qëndrojnë në ajër 30 orë me një mbushje të karburantit. Sensorët dhe radarët e tyre nga lartësia prej 18 kilometrave mund të regjistrojnë gjithë çfarë po ndodh në një rreze prej 200 kilometrave, shkruan gazeta.

Aktualisht dy fluturake janë duke u testuar në ishullin italian Sicili, dhe gjatë vitit do të dërgohen në Itali edhe tri fluturake.

NATO ka blerë gjithsej 10 fluturake pa pilot të tipit “Global Hawk”.