Tërmeti në Turqi, Rama dhuron 1 milion euro gjatë fushatës televizive

Kryeministri Edi Rama përmes një telefonate ka bërë të ditur se dhuron për Turqinë, në emër të qeverisë, plot një milionë euro.

Dhurimi u bë në një lidhje direkt me televizionin turke ku po bëheshin donacione dhe bamirësi për tërmetin tragjik.

Transmetimi i fushatës televizive “Turqia në zemër” ishte planifikuar për tre orë por dhe pas pesë orëve donacionet vijojnë.

Bilanci i viktimave në Turqi i ka tejkaluar 31 600 viktimat e shënuara nga tërmeti i vitit 1939 duke e bërë atë të 6 shkurtit, katastrofën më të rëndë në historinë moderne të vendit.

Në Sirinë e gjunjëzuar nga lufta civile 12-vjeçare, bilanci ka shkuar në mbi 5700. Në një vlerësim të parë të dëmeve, llogaritet se Turqia përballet me një faturë prej 84 miliardë dollarësh; 42 mijë godina ose janë shembur, ose janë dëmtuar rëndë në 10 qytete.