Tjetër krim nga Rusia, uzurpon shtëpitë e të larguarve nga Ukraina

Rusia është akuzuar së fundmi se po tenton të strehojë ushtarakët e saj në shtëpitë e braktisura nga banorët në qytetin ukrainas të Kherson.

Një përditësim i inteligjencës ukrainase thotë se trupat ruse u kanë kërkuar shoqatave të strehimit në dy zona të ndryshme listat e pronave boshe.

Kherson, është i vetmi qytet i madh në jug të Ukrainës që Rusia ka marrë kontrollin që nga fillimi i pushtimit të saj në shkurt.

Përditësimi ukrainas sugjeron se Kremlini po përpiqet të forcojë kontrollin e tij atje duke shtuar pikat e kontrollit dhe patrullimet dhe duke u përpjekur të bindë popullsinë vendase që t’i nënshtrohet regjimit të ri.

Rusia është përpjekur të sjellë rublën në qarkullim në Kherson, dhe raportohet se po planifikon një “referendum” që supozohet se mund të bëjë që qyteti të shkëputet nga kontrolli ukrainas.