Historia e dashurisë të një çifti në SHBA përfundoi në mënyrë tepër tragjike. Mediat e huaja shkruajnë se i riu e futi të gjallë në valixhe ish të dashurë e tij dhe e la të vdiste.
Valerie Reyes, 24 vjeç punonte çdo ditë në një librari dhe përveç leximit asaj I pëlqente të bëhej një artiste tatuazhesh dhe vizatonte portrete për miqtë me shpresën që një ditë të hapte sallonin e saj. Valerie ishte shumë e lidhur me familjen dhe të dielat i kalonte gjithmonë me vllezërit e motrat e saj.
Në janar të vitit 2018 ajo u njoh në internet me Javier Da Silva Rojas, i cili ishte një emigrant me shtetësi të përbashkët portugeze. Ai kishte ikur nga trazirat politike dhe ekonomike vitin e kaluar, duke shkuar në Shtetet e Bashkuara në kërkim të një jete më të mirë.
Lidhja e tyre zgjati për një kohë të shkurtër dhe nëna e Valerie ishte shumë e shqetësuar dhe e kontrollonte më tepër se duhet lidhjen e vajzës së saj me Rojas. Valerie i dha fund lidhjes pas tre muajsh dhe ndërpreu çdo komunikim me të. Ai u përpoq të vazhdonte të fliste me të, por ajo nuk pranoi.
Më 30 janar 2019, Valerie u raportua e zhdukur pasi nuk u paraqit në punë. Ajo nuk ishte parë për dy ditë dhe shqetësimi po rritej. Nëna e saj Norma Sanchez, pohoi se kur ajo kishte folur për herë të fundit me vajzën e saj në telefon, ajo kishte thënë se kishte frikë se dikush do ta vriste.
Më 5 shkurt, trupi i pajetë i Valerie u zbulua nga një grup punonjësish të autostradës në Greenwich, Connecticut, rreth 10 milje larg shtëpisë së saj në një valixhe të kuqe. Këmbët dhe krahët e Valerie ishin lidhur me shirit ngjitës dhe spango përpara se ajo të futej në valixhe. Disa shtresa shiriti ishin vendosur mbi gojën e saj dhe kishte dëshmi të një plage në kokë dhe mavijosje në fytyrën e saj.
Ishte një zbulim shkatërrues për familjen e Valerie. Mjeku konstatoi se ajo kishte vdekur nga asfiksimi.
