Presidenti i Turqisë Recep Tayyip Erdogan deklaroi se Ankaraja së shpejti do të nisë operacione të reja ushtarake.
Kjo, përgjatë kufijve të saj jugorë për të krijuar zona të sigurta 30 kilometra të thella për të luftuar kërcënimet ‘terroriste’ nga këto rajone.
Lajmi u bë i ditur nga agjencia “Reuters”.
“Objektivi kryesor i këtyre operacioneve do të jenë zonat që janë qendra sulmesh ndaj vendit tonë dhe zona të sigurta”, u shpreh Erdogan, pa dhënë detaje.
Erdogan shtoi se operacionet do të nisin sapo forcat ushtarake, të inteligjencës dhe të sigurisë të kenë përfunduar përgatitjet e tyre.
