Gjatë një përplasje me ish-ambasadoren e Kosovës në Shtetet e Bashkuara të Amerikës, Vlora Çitaku, ambasadori serb në SHBA, Marko Gjuriq, e ka quajtur yllin kosovar me famë botërore, Dua Lipa, bashkëkombëse të tij.
Të martën, tenisti serb Novak Gjokoviq njoftoi se i është dhënë leja për të garuar në Australian Open duke bërë një përjashtim mjekësor nga vaksinimi. “Të gjitha kafshët janë të barabarta, por disa kafshë janë më të barabarta se të tjerët”, ishte një postim i nënkryetares së PDK-së, Vlora Çitaku, në Twitter që nisi përplasjen me Gjuriqin.
Gjuriq e akuzoi Çitakun për gjuhë urrejtëse në baza etnike e në fund në debat përfshiu edhe yllin shqiptar, Dua Lipa, të cilën e quajti bashkëkombëse.
“Duke lënë komentet urrejtëse anash, jam shumë krenar për bashkëkombësen tonë të dashur Dua Lipa (flamur i Serbisë) edhe pse ajo mund të mendojë ndryshe për çështjet politike”, ka përfunduar Gjuriq.
Të menjëhershme kanë qenë reagimet nga përdorues në Twitter që kanë shpërndarë fjalimet e Lipës që flet për vuajtjet e Kosovës e se sa krenare është që është shqiptare.
… white walkers or animals, but never people worthy of human rights, as demonstrated daily by the Pristina authorities.
Shameful.
Ms. Citaku, watch “the animal” – who is on all accounts more “equal” than you – and enjoy as he plays his symphony.
— Марко Ђурић (@markodjuric) January 4, 2022
