Bitcoin ka arritur vlerën më të ulët të 6-mujorit, duke pësuar një rënie me 50% nga piku që kishte në muajin nëntor 2021.
Në këtë mënyrë, aksionet në kompanitë, pasuria e të cilave është e lidhur me tregun e kriptomonedhave, janë tërhequr.
Çmimi i monedhës digjitale ra 9% në 33 mijë e 307 dollarë, pika më e ulët që nga mesi i korrikut.
Megjithëse mbetet kriptomonedha më me rëndësi në botë për nga vlera e tregut, Bitcoin ka humbur më shumë se gjysmën e vlerës së saj që kur arriti kulmin në rreth 69 mijë dollarë vitin e kaluar.
Rënia pikiatë në tregjet e kriptove është pasqyruar edhe në tregun e aksioneve në SHBA.
Aksionet e lidhura me kriptovalutat e grumbulluara nga kompania Goldman Sachs ka rënë në rreth një të tretën e vlerës së saj.
Vlera e Coinbase, platforma e shkëmbimit të kriptove, ra 13% të hënën, ndërsa MicroStrategy, kompani softuerësh që investon shumë në Bitcoin, ra me një diferencë të ngjashme.
Rënia ka përkuar me një zhvendosje të gjerë nga ana e investitorëve nga aktivet spekulative, ndërsa ata përgatiten që bankat qendrore në mbarë botën të frenojnë programet e tyre stimuluese.
“Gjëja qesharake në lidhje me kripto-n dhe Bitcoin-in”, tha Joel Kruger, strateg tregu në grupin LMAX, “është se ato janë asete që lindën nga refuzimi i sistemit ekzistues dhe megjithatë ata kanë përfituar kaq shumë nga ai sistem dhe stimujt e politikës monetare saqë kanë sjellë një fluks të paprecedentë në rrezikimin e aseteve”.
Joshja e kriptomonedhave është dëmtuar më tej nga vendimet e organeve rregullatore në mbarë botën për të shtrënguar rregullat sesi tregtohen dhe reklamohen asetet digjitale.
Banka Qendrore e Rusisë, javën e kaluar, propozoi ndalimin e të gjitha operacioneve të kriptomonedhave në vend, duke thënë se si “piramidat e tjera financiare”, vlera e monedhave digjitale “mbështetet kryesisht nga kërkesa e hyrjeve të reja në treg”.
Zyrtarë të Autoritetit të Sjelljes Financiare të Mbretërisë së Bashkuar të mërkurën e kaluar thanë se agjencia shpreson të shtypë reklamat mashtruese të kriptove, pas lëvizjeve për të rritur mbrojtjen e konsumatorëve në Spanjë, Singapor dhe Itali.
Marrë nga “The Economic Time”, përshtatur për Albanian Post!
