Një atlet 11-vjeçar i xhudos në Rusi vdiq tragjikisht kur disa fëmijë më të mëdhenj e mbyllën në një kasolle dhe i vunë flakën, duke e bërë të digjej i gjallë. Arsyeja që autorët e mitur dogjën të gjallë fëmijën ishte sepse ata e kishin zili për suksesin e tij në xhudo, raporton Daily Mail.
Viktima Albert Umbetyarov u gjet në një strehë pyjore në një lagje të Moskës të premten, konfirmuan autoritetet ruse.
Një dëshmitar tha se të miturit kishin “përdorur shkopinj dhe e rrahën derisa ai ishte pa ndjenja para se t’i hidhnin benzinë dhe ta mbyllnin në një kasolle, të cilës i vunë flakën”.
Autorët, të moshës 13 deri në 15 vjeç, gozhduan derën për të mos lejuar që 11-vjeçari të dilte. Një grup vajzash regjistruan aktin dhe më pas ngarkuan videon dhe e transmetuan në internet.
Komiteti Hetimor Rus tha: “Më 19 maj 2023, fëmijët gjatë një grindjeje mbyllën një djalë brenda një kasolle, mbyllën kasollen nga jashtë dhe gozhduan derën. Më pas filloi një zjarr. Sipas të dhënave paraprake, [zjarri ka rënë] brenda kasolles. Fëmijët nuk mund të hapnin derën dhe kërkuan ndihmë. Kur mbërriti ndihma, trupi i djalit u gjet brenda kasolles së djegur.”
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…
Presidenti Donald Trump mirëpriti të enjten një grup pasotrësh në Zyrën Ovale një grup klerikësh…
“Edhe të pasurit qajnë në kohë lufte.” Konflikti i fundit në Lindjen e Mesme po…
Shefja e Grupit Parlamentar të Vetëvendosjes, Arbërie Nagavci, e ka komentuar deklaratën e Vjosa Osmanit,…