Biznesmeni Kujtim Ferracaku mbeti i vrarë gjatë konfliktit me armë të ndodhur në pak pas mesnatës në Velipojë. I plagosur mbeti dhe vëllai i tij, Hasan Ferracaku.
59 vjeçari ishte ishte pronar i hotel “Fantazia” në Velipojë. Kujtim Ferracakut në shtator të 2018-ës i është vrarë djali, Arjan Ferracaku. 31 vjeçarit iu bë atentat në zonën e Livadheve në Shkodër, një vend ku kanë ndodhur shumë ngjarje kriminale.
Arjan Ferracaku u qëllua me breshëri automatiku, teksa ishte duke kalëruar me miqtë e tij. Ai nuk njihej si person me precedentë penal, ndaj policia e lidhi vrasjen e tij me gjobat financiare që mund ti jenë vendosur, pasi zotëronte biznese në Shkodër.
31-vjeçari ishte babai i dy fëmijëve. Familja Ferracaku njihet për bizneset që zotëron në Shkodër, por jo si pjesë e bandave apo krimit.
