Ukraina shkatërron sistemin rus që kushton mbi 45 milionë dollarë

Trupat ukrainase kanë arritur të shkatërrojnë sistemin rus të mbrojtjes ajrore, Buk-M3, që po qëndronte diku në fushëbetejë në tokat ukrainase.

Ministria e Mbrojtjes e Ukrainës ka publikuar momentin kur artileria e rëndë ruse po ndiqej nga dronët, derisa në një moment goditja nga lart bëri që sistemi të digjej si fishekzjarr.

“Shkatërrimi epik i sistemit rus të mbrojtjes ajrore, Buk-M3, i ndjekur nga fishekzjarr nga shpërthimi”, thuhet në njoftimin e publikuar në Facebook.

Sulmi u krye nga brigada ukrainase “Pylli i Zi”.

Autoritetet thanë se ky sistem rus kushton rreth 45 milionë dollarë.