Herët në mëngjes, një sulm ukrainas me dron plagosi një person dhe dëmtoi ndërtesa banimi në dy qytete kyçe të rajonit të Saratovit të Rusisë, njoftoi guvernatori i këtij rajoni, në juglindje të Moskës.
Guvernatori Roman Basurgin tha se një kompleks banimi në qytetin e Saratovit u dëmtua nga mbetjet që ranë pasi sistemet ruse të mbrojtjes ajrore shkatërruan dronët ukrainas.
Një grua është shtruar në spital dhe në gjendje të rëndë. Mjekët po luftojnë për jetën e saj, tha Basurgin.
Sipas tij, shërbimet e urgjencës u shfaqën menjëherë në vendet e prekura në Saratov dhe Engels, dy qytete kyçe në këtë rajon, disa qindra kilometra në juglindje të Moskës.
Ju kujtojmë se në Engels ekziston një bazë ushtarake për bombarduesit strategjikë, të cilin Ukraina e sulmon prej kohës kur Rusia nisi pushtimin e saj në shkurt të vitit 2022.
Për momentin nuk ka asnjë informacion për dëmet në bazë, as për shtrirjen e këtij sulmi të fundit në zonën, e cila ndodhet disa qindra kilometra larg kufirit me Ukrainën.
Në videot e publikuara në Telegram shihet dëmtimi i një objekti banimi shumëkatësh në Saratov, ndërsa në Engels është dëmtuar kati i fundit i një objekti banimi.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…