Tre të akuzuarit për vrasjen e Liridona Ademajn do të vijojnë të qëndrojnë në paraburgim edhe për dy muaj.
Ky ishte vendimi që mori këtë të hënë Gjykata Themelore e Prishtinës për bashkëshortin e Liridonës Naim Murselin dhe Kushtrim Kokallën e Granit Plavën.
Lajmin për KosovaPress, e ka konfirmuar bashkëpunëtorja profesionale nga zyra e kryetares së kësaj gjykate, Medina Gashi.
“Ju informoj se të pandehurve N.M, G.P dhe K.K iu është vazhduar masa e paraburgimit për dy muaj me Aktvendimin e datës 23.08.2024, e cila masë do t’iu llogaritet nga data 26.08.2024 deri me datë 25.10.2024, nën kushtet ligjore të parapara në KPPK”, thuhet nga zyra e shtypit të Gjykatës.
Murselit, Kokallës e Plavës, fillimisht Gjykata Themelore në Prishtinë më 3 dhjetor 2023, u kishte caktuar masën e paraburgimit në kohëzgjatje prej 30 ditësh, vendim të cilin e kishte lënë në fuqi edhe Gjykata e Apelit.
Ngjarja e rëndë u regjistrua në datën 29 nëntor 2023, ku organizator i kësaj masakre ishte bashkëshorti i Liridonës Naim Murseli. Viktima u ekzekutua me plumba brenda makinës, ku ishte me Naimin dhe dy fëmijët e saj, ndërsa të gjithë skemën Naim Murseli e ndërtoi si grabitje.
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…