Në një konferencë të përbashkët me kryeministrin Rama dhe Péter Szijjártó, ministrin e Punëve të Jashme të Hungarisë (e cila mban Presidencën e Këshillit të BE), Komisionerja për Fqinjësinë dhe Negociatat për Zgjerimin, Marta Kos përgëzoi vendin tonë për hapjen e grupkapitullit të gjashtë.
Ajo gjithashtu vlerësoi angazhimin e shteve anëtare të BE-së në këtë proces.
Komisionerja Kos: Ky vendim i sotëm është një sinjal për Shqipërinë dhe rajonin e BE që zgjerimi është prioritet për BE dhe ne jemi të përkushtuar për të marrë rezultate të tjera. Në kontekstin ndërkombëtar hapja e negociatave për grup kapitullin VI ka një rëndësi gjeostrategjike dhe është një njohje e qartë e harmonizimit të Shqipërisë me politikat e BE-së si një partner i qëndrueshëm dhe i vlefshëm. Duke hapur kapitujt për këtë temë, ne flasim për temat e marrëdhënieve me jashtë dhe këto tema forcojnë paqen, stabilitetin dhe sigurinë në BE.
Sa i përket veprimit tonë të jashtëm ne jemi për të mbrojtur interesin tonë dhe duke promovuar të gjitha vlerat e përbashkëta me vendosmëri të lartë. Kam besim në vendosmërinë e Shqipërisë për të punuar fort në këto negociata. Ne do të vazhdojmë të ndërtojmë së bashki një të ardhme të përbashkët. Urime Shqipëri.
