Pritjet në hyrje-daljet në pikat kufitare të vendit janë duke vazhduar edhe në vikend.
Sipas të dhënave zyrtare nga Qendra për Menaxhimin Kufitar të Ministrisë së Punëve të Brendshme, në pikën kufitare në Mendarë, pritjet për të dalë nga Kosova janë nga 40 deri në 50 minuta ndërsa kolona është e gjatë 600-700 metra.
Teksa pritje ka edhe për të hyrë në këtë pikë kufitare deri në një orë, njofton Klankosova.tv.
Ndëra në pikën kufitare Dheu i Bardhë në dalje pritjet janë deri në një orë e gjysmë ndërsa për të hyrë pritjet janë deri në 15 minuta.
Në Jarinjë pritjet janë më së shumti deri në 40 minuta ndërsa në pikën kufitare në Han të Elezit pritjet në hyrje dhe dalje janë 10 minuta.
