Ka vdekur të hënën Andrew Strong, avokati i ish-kryetarit të Kuvendit të Kosovës, Kadri Veseli.
Lajmin për vdekjen e Strongut e ka bërë të ditur kreu i AAK-së, Ramush Haradinaj. Strong kishte qenë pjesë edhe e ekipit të mbrojtjes së Haradinajt gjatë kohës sa po gjykohej në Hagë.
“I pikëlluar nga vdekja e parakohshme e avokatit Andreë Strong, një luftëtar i jashtëzakonshëm për të drejtat e njeriut dhe një mik i çmuar i imi. Ai iu bashkangjit ekipit tim mbrojtës si student nga Chicago, për t’u bërë më vonë një ndër avokatët më të respektuar për pasionin e tij në mbrojtje të drejtësisë. Ngushëllime familjes dhe miqve! Trashëgimia jote do të kujtohet Andy. U prehsh ne paqe”, ka shkruar Haradinaj në “Facebook”.
