Arkivoli më trupin e një Pape të vdekur rrallë ka lëvizur rrugëve të Romës, në ditën e varrimit të tij.
Largimi i fundit i një kufome pontifi prej Vatikanit, ka ndodhur në vitin e largët 1669.
Sipas traditës që u respektua pothuajse rigorozisht nga kjo kohë, trupi i kreut të kishës katolike, pas vdekjes, pushoi përjetësisht nën Bazilikën e Shën Pjetrit, e cila ndodhet në Selinë e Shenjtë.
Por, Francesko preferoi një tjetër vendvarrim, në Bazilikën e Shën Mërisë së Madhe.
Frymëzimi për këtë i kishte ardhur më 2022 dhe atë ia kishte treguar arqipeshkvit Rolandes Makrickas.
Makrickas tha se Papa u pajtua me vendin për shkak se kishte një marrëdhënie unike me bazilikën, lidhjen e saj me rendin jezuit e po ashtu edhe me trashëgiminë artistike e shpirtërore të saj.
Para dhe pas çdo udhëtimi ndërkombëtar Françesko ka shkuar për t’u lutur atje, ku janë varrosur edhe shtatë krerë tjerë të kishës katolike, por të gjithë para vitit 1669.
Kjo bazilikë nuk është shkatërruar, dëmtuar apo djegur kurrë në historinë e saj, që daton nga shekulli i pestë.
