Ndeshja mes Bosnjë Hercegovinës dhe Ukrainës në kualifikueset e Botërorit, ka dhuruar një skenë shumë të pazakontë, pasi tifozët e dy skuadrave janë përplasur. për flamujt e gabuar. Një përplasje ku u përfshi edhe policia derisa u kuptua se kishte ndodhur një ngatërresë të çuditshme.
Tifozët e Ukrainës shpalosën një flamur rus dhe e kthyen kokëposhtë gjatë ndeshjes, tifozët vendas boshnjakë, u ngatërruan me ngjyrat e flamurit kokëposhtë, i cili në ato momente dukej si ai i Serbisë.
Kështu, ata u vërsulën të sulmonin tifozët ukrainas, duke sjellë edhe ndërhyrjen e policisë që u desh të përdorte edhe shkopinjtë e gomës për të qetësuar situatën. Palët u qetësuan vetëm kur boshnjakët panë se si tifozët ukrainas dogjën flamurin që mbanin mes tyre, duke kuptuar atëherë se bëhej fjalë për atë rus.
