VIDEO: Ky është dokumenti me të cilin shteti i Kosovës ia ndaloi hyrjen kryepopit serb në Kosovë

Pavarësisht mospërmbushjes së kërkesave për t’iu mundësuar vizita në Kosovë, Kryepeshkopi i Kishës Ortodokse Serbe, Porfirije ia mësyu Merdares për t’u kthyer mbrapsht për në Serbi.

Qeveria e Kosovës i kërkoi patriarkut që para se të mund të hyjë në Kosovë fillimisht të distancohet dhe të dënojë “përfshirjen aktive të Kishës Ortodokse Serbe në dhënien e mbështetjes ndaj grupeve kriminale që po mirëmbajnë barrikadat për më shumë se 16 ditë”, ndaj të cilës nuk u përgjigj kryepatriarku.

MPJD e Kosovës u shpreh se nuk ia ka ndaluar vizitën, por se i ka parashtruar disa kërkesa, të cilat ky i fundit nuk i përfilli. Madje ai u nis krye më vete për Kosovë për t’u kthyer nga ishte nisur.

Porfirije, siç raportuan mediat serbe, shihet të qëndrojë në veturë për disa minuta në pikëkalimin kufitar të Merdares mes Kosovës dhe Serbisë, dhe kthehet mbrapsht për Kurshumli.