Një ngjarje e rëndë ka ndodhur në Greqi, me pasojë vdekjen e një personi dhe plagosjen e 7 të tjerëve, mes të cilëve 6 prej tyre ishin policë të forcave DIAS.
Ngjarja tronditëse ndodhi mbrëmjen e së premtes (22 tetor).
https://www.youtube.com/watch?v=6pRxz-5vgIg&t=32s&ab_channel=ProtoThema
Mediet greke njoftojnë se sipas burimeve policore, efektivët i kanë bërë sinjal shoferit të një makine, i cili ndodhej brenda me dy persona të tjerë, të ndalonte për kontroll.
Por, drejtuesi i mjetit nuk ka respektuar urdhrin për të ndaluar, duke i dhënë gaz makinës për t’u larguar.
Video nga përplasje e përgjakshme në Greqi, një i vdekur
Si rrjedhojë ka nisur një përndjekje nga ana e policisë që përfundoi në rrugën “Eldidos”.
Në momentin e ndalimit në këtë zonë, drejtuesi i makinës përplasi një nga motorët e policisë, duke bërë që këta të fundit të qëllojnë me armë.
Si rrjedhojë njëri nga tre pasagjerët që ndodheshin në automjet humbi jetën, ndërsa një tjetër mbeti i plagosur bashkë me 6 policët e DIAS.
