VIDEO/ Publikohen pamjet e operacionit, ja kush është kosovari që do kryente sulm terrorist në Itali

Një çift shqiptarësh nga Kosova janë arrestuar nga policia italiane pasi akuzohen se ishin trajnuar që të kryenin një sulm terrorist në vendin fqinj.

Mediat italiane i kanë bërë jehonë lajmit dhe raportojnë se burri dhe gruaja, dyshohet se janë trajnuar nga xhihadistët për të kryer sulmin përmes shpërthimit në emër të organizatës terroriste “Shteti Islamik” (ISIS).

Për këtë arsye, më 15 qershor karabinierët e Ros-ve lëshuan një urdhër ndalimi, të lëshuar nga Prokurori i Trentos, ndaj dy të dyshuarve.

ga aktivitetet hetimore rezulton se dy të rinjtë, të lindur në Itali nga familje me origjinë kosovare, të angazhuar në kontekstin social, të punës dhe studimit, prej kohësh i ishin futur rrugës së radikalizimit nga propaganda xhihadiste në internet.

Pas kryerjes së sulmit, të dy duhej të udhëtonin në Afrikë për t’iu bashkuar organizatës terroriste.

Gjatë operacionit u kryen disa kontrolle të cilat bënë të mundur sekuestrimin e pajisjeve kompjuterike dhe produkteve kimike – prekursorë për prodhimin e mjeteve shpërthyese – të dorëzuara në Grupin e Hetimeve Shkencore për hetime teknike.