VIDEO: Shkatërrohet grupi kriminal në Serbi, arrestohen 17 persona! Do të eliminonin krerët e Beogradit

Në një aksion të koordinuar mëngjesin e djeshëm janë arrestuar një grup prej 17 personash dhe janë kontrolluar 50 banesa.

Në një aksion të përbashkët të Agjencisë për Siguri dhe Informacion, SBPOK, UKP – UP për qytetin e Beogradit, SAJ, Xhandarmëria e MPB-së, dhe me urdhër të Prokurorisë për Krim të Organizuar në bashkëpunim me EUROPOL-in, janë gjetur 17 persona.

Bëhet fjalë për anëtarët e grupit të organizuar kriminal të quajtur Vraçarci të udhëhequr nga N.V dhe U.P, përkatësisht: L.C, I.B, D.M, N.B, V.M, N.M, S. M, A.M, N.K, N.T, M.T, J.B, Gj. K, N. J, A.N, N.V dhe D.N, për shkak të ekzistimit të bazave të dyshimit se kanë kryer veprën penale të komplotit për kryerjen e veprave penale dhe disa krime të vrasjes së rëndë , sipas deklaratës së Prokurorisë për Krimin e Organizuar..

Janë marrë disa armë zjarri, një sasi e madhe parash, disa automjete luksoze pasagjerësh dhe telefona të koduar.

“Ky grup i organizuar kriminal ka kryer vepra kriminale në territorin e Beogradit si pjesë e veçantë e të ashtuquajturit grup i organizuar kriminal. “Kavaçi, i kryesuar nga R.Z dhe S.K, grupi i organizuar kriminal i njohur si Vraçarci ka vepruar me urdhër të Kavaçit në Serbi dhe jashtë saj”, thuhet në një deklaratë të Prokurorisë për Krimin e Organizuar.

Ata gjithashtu shtojnë se në periudhën paraprake disa anëtarë të këtij grupi të organizuar kriminal janë arrestuar jashtë vendit.

Sipas Prokurorisë, ky grup i organizuar kriminal financohej nga OKG “Kavaçi” dhe kishte për qëllim që të kryente krimet më të rënda në Republikën e Serbisë, ndër të tjera, të sulmonte zyrtarët më të lartë shtetërorë të Republikës së Serbisë.

“Të gjithë personave të privuar nga liria është urdhëruar ndalimi nga policia dhe së bashku me kallëzim penal do të dërgohen në Prokurorinë për Krim të Organizuar”, thuhet në njoftim.

Sipas informacioneve të dhëna nga Blic, ata janë arrestuar për vrasje, tentativë për vrasje, rrëmbim dhe kanë punuar si pjesë e një grupi të klanit Kavac. Disa janë ende në kërkim.

Ata akuzohen për tre vrasje dhe pesë vrasje të rënda në tentativë. Ata kanë vepruar me urdhër të Kavçanit dhe disa nga anëtarët e “Vraçaracit” janë arrestuar jashtë vendit në periudhën e kaluar.

Siç mësojmë, grupi i Vraçarcit udhëhiqet nga Nikolla Vušović, i njohur më mirë si Johnny nga Vraçari, Uroš Piperski dhe Mario Gjorgjević.

Sipas mediave, operacionin e arrestimit e udhëheq ministri i Punëve të Brendshme, Bratislav Gashiq.