Në vazhdën e diskutimeve në Komisionin për Arsim, Eman Rrahmanit, nga radhët e Lëvizjes Vetëvendosje, iu mohua fjala nga kryetari i komisionit, deputeti i VV-së, Ardian Gola.
Gola e arsyetoi këtë veprim të tij duke thënë se Rrahmani nuk është anëtar i Komisionit dhe se “kishin një marrëveshje me sindikatat që të flasin vetëm ata që janë pjesë e këtij komisioni”.
E kur pastaj Gola i ka dhënë fjalën Rrahmanit pasi kishte marrë pëlqimin e përfaqësuesve të sindikatave, ai u largua nga mbledhja e komisionit.
E për këtë ministrja Nagavci i ka thënë “Të lutem Eman, mos e prish mbledhjen”.
Klikoni pë të parë videon KETU
Grevat e sindikatave kanë filluar që nga data 25 gusht e këtij viti dhe janë duke vazhduar ende. Kërkesë kryesore e tyre është shtesa prej 100 eurosh, deri në miratimin e Ligjit të Pagave, i cili tashmë është në konsultim publik.
Kryeministri i Kosovës është takuar me krerët e Këshillit Grevist, por nuk kanë arritur të gjejnë kompromis në lidhje me grevat. Të dyja palët pas takimit e kishin akuzuar njëra-tjetrën për dështim të një marrëveshjeje.
