Një i mitur gjatë ditës së djeshme rreth mesditës kishte vjedhur rreth tetë euro nga kutia e ndihmave në një xhami në Gjilan, me këtë rast i dyshuari është arrestuar.
I dyshuari, shtetas i Serbisë gjatë intervistimit nga policia e Kosovës, ka pranuar se ka kryer edhe vjedhje të tjera nëpër kafiteri. Me këtë rast me vendim të prokurorit është dërguar në mbajtje.
“Është arrestuar i dyshuari i mitur mashkull shtetas i Serbisë për shkak se kishte vjedhur në një objekt fetar (xhami) rreth 8 € nga kutia e ndihmave. I dyshuari gjatë intervistimit ka pranuar se ka kryer edhe vjedhje tjera të parave dhe telefonave kryesisht nëpër kafiteri. Lidhur me rastin është konsultuar prokurori i shtetit me vendim të së cilit i dyshuari është dërguar në mbajtje”, thuhet në raportin policor.
