Mbrëmë është vrarë me armë zjarri polici Muhamed Lika para banesës së tij në Kaçanik. Dyshimet e para janë se ai është vrarë nga një i mitur.
Burime të Insajderit kanë bërë me dije se rasti ka ndodhur në një moment kur një i mitur ishte duke tentuar që të kryente një grabitje. “Ai kishte edhe armën me vete”, kanë bërë të ditur burime të Insajderi, duke shtuar se në momentin që i ndjeri, polici Muhamed Lika ka ndeshur në të dyshuarin, ai ka shtënë në të.
Rreshteri, Muhamed Lika është vrarë mbrëmë rreth orës 23:00, në rrugën “Idriz Seferi” në Kaçanik.
I dyshuari për vrasjen e tij ndodhet ende në arrati, ndonëse Policia është aktivizuar në kërkim të tij.
Zëdhënësi i Policisë për rajonin e Ferizajt, Kanun Veseli, e konfirmoi lajmin për Insajderin, duke shtuar se motivet e krimit ende nuk janë të qarta.
“Jemi duke punuar intensivisht, ende nuk ka diçka të re”, tha ai shkurt.
Incidenti dyshohet të ketë ndodhur rreth orës 23:00, në rrugën “Idriz Seferi”, në afërsi të banesës së viktimës.
Autoritetet policore kanë konfirmuar se Lika u qëllua teksa po hynte në ndërtesën ku banonte.
Në vendin e ngjarjes kanë dalë menjëherë njësitë policore dhe ekipi i emergjencës, të cilët e transportuan viktimën në Qendrën e Mjekësisë në Kaçanik, por pavarësisht përpjekjeve për t’i dhënë ndihmë, ai nuk ka mundur t’i mbijetojë plagëve të marra.
“Si pasojë e plagëve të marra, pjesëtari i policisë ka ndërruar jetë, gjë që është konstatuar nga mjekët në këtë qendër”, ka deklaruar zëdhënësi i Policisë për rajonin e Ferizajt.
Irani ka përjetuar një tjetër natë ferri. Shpërthime të fuqishme kanë ndodhur një nga aeroportet…
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…
Presidenti Donald Trump mirëpriti të enjten një grup pasotrësh në Zyrën Ovale një grup klerikësh…
“Edhe të pasurit qajnë në kohë lufte.” Konflikti i fundit në Lindjen e Mesme po…