Pasditen e së martes që e lëmë pas, në Pejë u vra një person. Ky akt, ndodhi në një lokal në rrugën ‘’Gjin Gazulli’’, lidhur me këtë rast ka folur në kushte anonimiteti i biri i dorasit.
”Ky problem familjar ka nisur qysh prej vitin 2019. Por, është mbajtur edhe në paraburgim. I kemi pasur disa probleme. Thonë gjoja që ‘’e ka ngacmuar prindi im’’. Faktet, analizat, gjithë ekspertizat i kanë dërguar në Prishtinë e kudo, gjashtë muaj ka qëndruar në burg, dhe dhjetë muaj të tjerë në arrest shtëpiak. Kohë pas kohe është mbajtur në paraburgim, dhe kohë pas kohe në arrest shtëpiak”, tha djali i dorasit.
”Tani ka qenë i liruar pasi me një seancë të fundit qenka shqiptuar një vendim i papritur, ku gjykimi del se babai im është fajtor dhe e shqiptojnë një dënim tri vjet e gjashtë muaj. Ne si familje nuk jemi pajtuar me këtë dënim, sepse ka pasur shumë specifika, ku i kanë fsheh disa hetime, i ka ndryshuar edhe e mitura disa deklarata”, shtoi ai.
https://youtu.be/1c-zEYBF0fE
