Donald Trump po “humbet durimin” me Elon Musk, sipas një raporti në Wall Street Journal , i cili dokumenton reagimin e Shtëpisë së Bardhë ndaj kritikave publike të miliarderit të Tesla për projektligjin e buxhetit të presidentit amerikan.
Sipas WSJ, si Trump ashtu edhe zyrtarët e administratës së tij u kapën në befasi nga kritikat e fundit të Musk për projektligjin e presidentit amerikan, të cilin ai e përshkroi si “skandaloz, të neveritshëm dhe një parodi”.
Ajo që thuhet se e ka habitur edhe vetë Trump, sipas një zyrtari të Shtëpisë së Bardhë, ishte fakti që Elon Musk ka punuar ngushtë me stafin e presidentit amerikan gjatë katër muajve të fundit.
Musk duket se është jashtëzakonisht i bezdisur, sipas gazetës amerikane, nga vendimi për të tërhequr kandidaturën e Jared Isaacman për pozicionin e kreut të NASA-s, me këtë veprim që nxiti kritikat e ashpra e të ashtuquajturit “z. X” për projektligjin e buxhetit.
“Musk është ankuar te bashkëpunëtorët se ndërsa dha qindra miliona dollarë në donacione për të ndihmuar Trumpin të zgjidhej President, ai pa të nominuarin e tij për NASA-n të mos zgjidhej në krye të saj”, raporton WSJ.
Musk thotë se projektligji i buxhetit, propozuar nga Trump do të rrisë shpenzimet publike dhe deficitin, madje u bëri thirrje 200 milionë ndjekësve të tij në ‘X’ të mërkurën në mbrëmje që të bënin presion mbi senatorët dhe kongresmenët që ta “rrëzojnë projektligjin”.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…