Presidenti i Turqisë, Rexhep Erdogan, tha të martën se dy pjesëtarë të ushtrisë turke janë vrarë në Libi, ku kishin shkuar për t’i ofruar përkrahje qeverisë së njohur nga komuniteti ndërkombëtar.
Turqia i ka ofruar mbështetje ushtarake qeverisë me bazë në Tripoli, e cila po përpiqet t’i bëjë ballë ofensivës së forcave të gjeneralit Khalifa Haftar, që kontrollojnë territore në lindje të Libisë.
Ankaraja më parë ka thënë se forcat e saj nuk janë duke luftuar në Libi, por janë duke bashkëpunuar me Qeverinë e Akordit Kombëtar.
Të shtunën, presidenti Erdogan se Turqia i ka disa martirë në Libi, ndërsa të martën sqaroi se janë vrarë dy ushtarë turq, shkruan “Reuters”, transmeton Gazeta Express.
Sidoqoftë, forcat e gjeneralit Haftar, të njohura si Ushtria Kombëtare Libiane, thanë se i kanë vrarë 16 ushtarë turq në javët e fundit. Këto forca e gëzojnë mbështetjen e Emirateve të Bashkuara Arabe, Egjiptit dhe Rusisë.
Gjatë samitit të muajit të kaluar në Berlin, fuqitë botërore bënë thirrje për ndërprerjen e luftimeve në Libi dhe të fillojë procesi politik për zgjidhjen e konfliktit të gjatë.
