Presidenti i Serbisë, Aleksander Vucic, ka folur sot për takimin e djeshëm në Bruksel me liderët e vendeve të BE-së dhe me Charles Michel e Josep Borell.
Siç pretendon kreu i shtetit serb, kryeministri Albin Kurti të enjten në Bruksel e ka provuar një “truk të mirë”, por që sipas Vuçiqit do të jetë “jetëshkurtër’.
Vuçiq ka thënë se Kurti ka ofruar idenë për të firmosur të tri dokumentet, dhe sipas tij e ka bërë këtë meqë e ka ditur që Serbia s’do të pranonte.
“Kurti bëri një truk të mirë, por jetëshkurtër dje. E ka provuar më parë, por dje ishte hera e fundit që e nxori, sepse nuk mendoj se mund të kalojë më. I pari ishte një takim me krerët e BE-së dhe më pas me Borell dhe Lajçak. I ka paraqitur idenë, të firmosim të tre dokumentet. Bëhet fjalë për marrëveshjen e dytë, Bruksel, Ohër. E pranoi sepse e dinte që Serbia nuk do ta pranonte”, ka thënë Vuçiq në “Tv Pink”.
Sipas kreut të shtetit serb, Kurti s’është i gatshëm të themelojë Asociacionin.
“Ai nuk do të përmbushë gjithçka, është e qartë se ishte një truk për të blerë kohë”, ka deklaruar Vuçiq.
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…