Lëvizja Vetëvendosje ka shpallur fitoren në Leposaviq dhe në Mitrovicë të Veriut, në zgjedhjet lokale të mbajtura të dielën në veri të Kosovës.
Deputeti i kësaj partie, Armend Muja, ka thënë se kandidati i VV-së në Mitrovicë të Veriut, Erden Atiq, ka marrë mbi 65 për qind të votave.
Sipas tij, në Leposaviq kandidati i VV-së, Lulzim Hetemi ka marrë mbi 70 për qind të votave.
Ndërsa sipas burimeve të KOHËS, dy komunat tjera Zveçani dhe Zubin-Potoku janë fituar nga kandidatët e Partisë Demokratike të Kosovës.
