Anëtari i Kryesisë së Lëvizjes Vetëvendosje, Arbër Zaimi, përmes një shkrimi në llogarinë e tij në tëitter ka thënë se vendimi i Gjykatës Kushtetuese është i papranueshëm nëse eventualisht dihet paraprakisht si do të jetë ai.
Zaimi tha gjithashtu se integriteti i Gjykatës Kushtetuese bie të jetë i cenuar nëse ndodh kjo.
“Nëse dihet paraprakisht, dhe publikohet nëpër media se si do të jetë vendimi i gjyqtarëve të Gjykatës Kushtetuese, madje dihet edhe si do të votojnë ata, para se vendimi të merret, atëherë ai vendim i bie të jetë i papranueshëm, dhe integriteti i Gjykatës i bie të jetë i cenuar”, shkruan Zaimi.
Gjykata Kushtetuese ka pezulluar dekretin e presidentit deri më 29 maj.
Ndërsa një nga skenarët e mundshëm të këtij vendimi është edhe përcaktimi i afatit brenda të cilit një parti duhet të dorëzoj emrin e mandatarit.
Një gjë të tillë ia kanë thënë televizionit edhe burime brenda institucioneve shtetërore.
Se mund të jetë ky opsion e thonë edhe në Institutin e Kosovës për Drejtësi.
Betim Musliu thotë që nëse Gjykata merre këtë vendim i bie që presidenti Thaçi e ka shkelur kushtetutën.
Por, edhe nëse merret një vendim i tillë me të nuk do të pajtohet Lëvizja Vetëvendosje.
Adnan Rrustemi kësisoj bën me dije që Vetëvendosje nuk do e pranojë një vendim të tillë.
Vetëvendosje e ka dërguar në Gjykatën Kushtetuese kërkesën për shqyrtimin e dekretit të presidentit Hashim Thaçit për mandatarin me 30 prill.
Fushata zgjedhore në qytetin e Cyrihut po tregon anën e saj të shëmtuar pak para…
Shpërthime të forta janë raportuar në Dubai në Emiratet e Bashkuara Arabe dhe në kryeqytetin…
Irani ka përjetuar një tjetër natë ferri. Shpërthime të fuqishme kanë ndodhur një nga aeroportet…
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…