Presidenti ukrainas Volodymyr Zelensky i ka propozuar Rusisë që oligarku Viktor Medvedchuk, i konsideruar i afërt me presidentin rus Vladimir Putin, t’i dorëzohet Moskës në këmbim të lirimit të ukrainasve të zënë rob nga forcat ruse.
“I propozoj Federatës Ruse të shkëmbejë djalin tuaj me djemtë dhe vajzat tona që tani janë në robërinë ruse. Prandaj është e rëndësishme që forcat tona të zbatimit të ligjit dhe ushtria gjithashtu ta marrin në konsideratë këtë mundësi”, tha Zelensky në një fjalim video të martën në Telegram.
Zelensky gjithashtu paralajmëroi Rusinë se forcat ukrainase do të kapnin më shumë ushtarë.
“Ne do të vendosim të vërtetën e plotë për të gjithë këta. Pavarësisht se sa kohë dhe përpjekje duhet, ne do t’i gjejmë të gjithë. Le të jetë Medvedchuk një shembull për ju. As ish-oligarku nuk shpëtoi. Çfarë të themi për shumë kriminelë ordinerë nga mesi i askundit rus. Do t’i marrim të gjithë”, shtoi Zelensky.
Pak orë më parë, Kievi kishte njoftuar se Medvedchuk ishte arrestuar në një operacion të inteligjencës ukrainase.
