Janë kaq të pakta sa u përshkruan si të turpshme ndihmat humanitare që Izraeli ka lejuar të hyjnë në Gaza; por kaq të turpshme janë nga ana tjetër edhe pamjet filmike që pretendohet se tregojnë militantë të Hamasit duke vjedhur pakot e transportuara drejt enklavës së gjunjëzuar nga konflikti, të cilat duhet të mbërrinin tek civilët e prekur rëndë nga kjo situatë.
Ndihmat përfshijnë ushqime bazike, ilaçe, ujë të pijshëm e pajisje të tjera të nevojshme për të shpëtuar jetë dhe për të ofruar mbështetje emergjente për familjet në nevojë.
Disa media të huaja pretendojnë megjithatë se Hamasi ka përvetësuar ndihma në mënyrë të paligjshme dhe i shet ato në tregun e zi me çmime shumë të larta.
Pohimet e tyre mbështeten tek deklaratat e pakonfirmuara të disa zyrtarëve izraelite, të cilët insistojnë se kjo praktikë jo vetëm që përkeqëson gjendjen humanitare dhe thellon krizën në rajon, por gjithashtu i mundëson Hamasit të mbledhë fonde të konsiderueshme për të financuar aktivitetet e tyre terroriste.
Në Gaza vazhdojnë sakaq bombardimet izraelite, me të paktën 60 të vrarë vetëm në 24 orët e fundit.
Shteti hebre po e vazhdon ofensivën e tij ushtarake dhe deri tani ka lejuar ndihmë minimale të hyjë në territorin palestinez.
Izraeli po përballet me kritika të shtuara ndërkombëtare dhe me një presion të madh për të lejuar ndihma humanitare në Gazën e zhytur në një krize urie.
