Zyrtari ushtarak kurd i bën thirrje Izraelit të ndërmarrë veprime kundër Turqisë

Një zyrtar i lartë i Forcave Demokratike Siriane i bëri thirrje Izraelit të hënën të ndërmarrë veprime kundër pushtimit ushtarak të Turqisë në veri të Sirisë.

Zyrtari, i cili foli në kushte anonimiteti, gjithashtu shprehu besim se populli hebre nuk do të linte pas dore gjendjen e kurdëve në Sirinë veriore, duke thirrur në historinë e përbashkët të persekutimit.

“Shteti i Izraelit duhet të veprojë për t’i dhënë fund kësaj lufte që po vret gra dhe fëmijë dhe po dëbon civilë nga shtëpitë e tyre,” tha zyrtari kurd për Times of Israel në një mesazh me tekst.

Ankaraja filloi një sulm ndërkufitar kundër kurdëve të Sirisë më 9 tetor pasi SH.B.A. njoftoi një tërheqje ushtarake nga veriu i vendit të shkatërruar nga lufta.

SDF ka qenë një aleat kryesor për Uashingtonin në luftën e mbështetur nga SH.B.A. kundër xhihadistëve të grupit të Shtetit Islamik në Siri, por Turqia i shikon forcat e saj si terroristë të lidhur me militantët kurdë në Turqi.

“Unë jam i sigurt se populli hebre e kupton më së miri situatën e popullit Kurd sepse i përjetojë këto lloje rreziqesh në pjesën më të madhe të historisë së tyre. Jam i sigurt se Izraeli nuk do të qëndrojë duarkryq, pasi vendi ynë po përballet me terrorin e Turqisë”, tha zyrtari i SDF.