Kryetarit të Komisionit për persona të pagjetur në Qeverinë e Serbisë, Velko Odaloviq, nuk i është lejuar sot hyrja në Kosovë, ka shkruar portali Kossev.
Ai, sipas mediave, kishte disa takime me familjarët e serbëve të zhdukur në Kosovë.
Në të vërtetë, disa muaj më parë, Kurti gjatë një takimi në Bruksel me presidentin e Serbisë, Aleksandar Vuçiq, kishte “vënë si kusht” për vazhdimin e dialogut, përkatësisht bisedimet për çështjen e të zhdukurve me forcë gjatë luftës, shkarkimin e Odaloviqit që kryeson komisioni qeveritar serb për personat e zhdukur.
Sipas Kurtit, e kaluara e tij është kriminale dhe ai nuk të drejtë morale të flasë për të zhdukurit.
Odaloviq, në vitet 1997-1999 ishte “zyrtar i lartë i Qarkut të Kosovës” dhe udhëhiqte me Kosovën e okupuar. Ishte një nga anëtarët themelues të Partisë Socialiste të Serbisë, të Slobodan Milloseviqit dhe ka mbajtur pozita të larta në Kosovë si pjesë e regjimit të Milosheviçit në vitet ’90. Puna e tij e fundit në Kosovë ishte si “Shef i Qarkut të Prishtinës” për vitet 1998 dhe 1999, gjatë së cilës kohë shumica e njerëzve që llogaritën si të humbur janë zhdukur.
Kërkesën e Kurtit e kishte mbështetur Natasha Kandiq, nga Fondi për të Drejtën Humanitare në Serbi.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…