Projekti i shumëpërfolur për një marinë dhe ndërtesa luksoze në zonën e Portit të Durrësit me vlerë investimi 2 miliardë euro ka kaluar në një tjetër hallkë.
Kompania Simphpny Real Estate Development sh.p.k., e regjistruar në Qendrën Kombëtare të Biznesit muajt e fundit ka aplikuar pranë Agjencisë Shqiptare të Zhvillimit të Investimeve, për të përfituar trajtimin e investitorit strategjik.
Kompania mësohet se ka dorëzuar dokumentacionin për zhvillimin e projektit “Durrës Yachts & Marina” i cili propozohet nga kompania Symphony Real Estate Development sh.p.k., nën drejtimin e subjektit Symphonie Group of Companies i themeluar nga Mohamed Ali Alabbar.
Projekti parashikon që gjatë fazës së zhvillimit të punësojë 12 mijë persona, ndërkohë që sipërfaqja totale e projektit do të jetë 44 hektarë. Për fazën e parë do të përdoret një sipërfaqe prej 24 hektarësh. Në prill të këtij viti kompania Emaar bëri prezantimin e projektit për portin e ri turistik të Durrësit.
Duke shfaqur një plazh të pacenuar natyror prej 14 km gjatësi, komuniteti do të jetë shtëpia e mbi 12,000+ njësive rezidenciale me më shumë se 80,000 m2 të parqeve dhe hapësirave të hapura, si dhe njësive argëtuese, të shërbimit dhe restoranteve. Zhvillimi i Jahteve dhe Marinës së Durrësit do të përfshijë gjithashtu ekskluzivisht një marinë dhe terminal kroçerash që do të lidhë Durrësin me shkëlqimin vezullues të Detit Adriatik e më gjerë”, raporton Revista Montor.
Porti i Durrësit shpërngulet në Porto Romano
Në gusht të këtij viti, një vendim që i lejonte zgjerimin portit ekzistues në Porto Romano i hap rrugë projektit të grupit Emaar në Durrës.
Zgjerimi mundëson ndërtimin e disa kalatave të tjera që do të shërbejnë për përpunimin e anijeve të mallrave, krahas atij të karburanteve që kryhet aktualisht, raporton Revista Monitor.
Ndërkohë po kryen edhe investime në rrugën që lidh Porto -Romanon me Durrësin me një autostradë të kategorisë A.
Më herët në kulmin e karantinës, në datën 31 mars 2020 Porti MBP (Multi Buoy Mooring) në administrimin e “Kastrati Group” që realizon shërbimet e përpunimit të ngarkesave dhe depozitimit të naftës në Porto Romano mori miratimin për një shtesë kontrate nga Ministria e infrastrukturës dhe Energjisë./N.Maho
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…