“Herzog & de Meuron”, fituese e “Pallatit të Kongreseve”

Projekti i studios zvicerane Herzog & de Meuron Basel Ltd është shpallur fitues në konkursin ndërkombëtar për rikualifikimin e Pallatit të Kongreseve. Godinës ekzistuese të Pallatit të Kongreseve do ti shtohet dhe një kullë 255 metra, e cila do të lidhet funksionalisht me objektin aktual.

Projekti fitues ka bërë me dije se ndërhyrja në Pallatin e Kongreseve do të jetë minimale. Kjo pasi fokusi i tyre është ruajtja e identitetit arkitektonik dhe historik të godinës ekzistuese, por duke e përshtatur atë me kërkesat bashkëkohore. Kryetarja e jurisë, Mari Randsborg u shpreh se ky projekt do të ndikojnë në zhvillimin e Tiranës, ndërsa theksoi se do të jetë një vlerë e shtuar si për kryeqytetin, por edhe për brezat në vijim.

“Juria i bën thirrje ekipit që të marrë në konsideratë lartësinë e kullës, vendndodhjen e saj me gjithçka rreth e rrotull, si dhe hapësirën lart, që dukej pak informale dhe e vogël. Shpresojmë si ekipi do të bashkëpunoni me qytetin në mënyrë si të përmirësohen dhe zgjerohen hapësirat publike”,- tha Randsborg.

Gjatë prezantimit të projekteve, Kryeministri Edi Rama theksoi nevojën për një transformim të thellë, duke ruajtur njëkohësisht identitetin e tij.

Gjatë prezantimit të projektit, Rama u shpreh se ndërtesa ka probleme serioze, të cilat kërkojnë ndërhyrje. Sipas tij, qëllimi është që ky pallat të përshtatet me standardet moderne të teknologjisë dhe të bëhen një tjetër destinacion turistik i Tiranës dhe i aktiviteteve të përditshme.