Tahirsylaj: Stuhia që ka përfshirë rajonin nga nesër pritet ta godasë edhe Kosovën

Një stuhi e fuqishme përcjellur me shtrëngata ka goditur vendet e rajonit, Kroacinë, Serbinë dhe Bosnje Hercegovinën.

Raportohet se së paku katër persona kanë humbur jetën si dhe janë shkaktuar dëme të konsiderueshme materiale.

Profesori i meteorologjisë, Sylë Tahirsylaj, në një prononcim për Telegrafin, ka bërë të ditur se edhe Kosova pritet të të përfshihet nga një mot i ngjashëm, por pa të reshura dhe me intensitet më të ulet.

“Stuhia, në formë tornadoje që ka përfshirë vendet përreth, nga nesër pritet ta preke dhe vendin tonë, por me intensitet më të ulët dhe pa reshje shiu”, tha Tahirsylaj.

“Ky është apokalipsi”: Një stuhi e fuqishme përfshiu Zagrebin, në qendër të qytetit sikur kishte rënë errësira

Sipas tij, rajoni i Dukagjinit do të jetë si “epiqendra”, e stuhisë në formë të tornados.

Ndërkaq, kjo thekson ai, mund të dëmtojë kulturat bujqësore.

Tahirsylaj nuk përjashton mundësinë për reshje të dobëta lokale dhe ndonjë shkarkesë elektrike.