<p><strong>Si shtetasit e Shqipërisë ashtu dhe ata të Kosovës e shohin të ardhmen e tyre jashtë vendit, sipas rezultateve të fundit të sondazhit të Këshillit të Bashkëpunimit Rajonal (RCC) për Barometrin e Ballkanit për vitin 2023.</strong></p>
<p>49% e të anketuarve nga Shqipëria do të merrnin në konsideratë që të jetonin dhe të punonin jashtë vendit. Kjo përqindje është rritur ndjeshëm në krahasim me vitin e mëparshëm, kur treguesi ishte 42%.</p>
<p>Shtatasit e Kosovës janë ata që duan më shumë se të gjithë që të jetojnë e punojnë jashtë vendit, me 57% të të anketuarve që e kanë dhënë këtë përgjigje.</p>
<p>Por, ndryshe nga Shqipëria, në Kosovë ka treguesi ka një përmirësim të lehtë me 2 pikë përqindje (nga 59% në 2022).</p>
<p>Shtetasit që mendojnë të lëvizin më pak janë atë të Maqedonisë së Veriut, 35%, Bosnjë dhe Hercegovinës, 38%, Serbisë 41%, Malit të Zi 45%.</p>
<p>Mesatarja e Ballkanit Perëndimor është 44%.</p>
<p><em>Sondazhi</em></p>
<p>Për të nëntën herë radhazi, Këshilli i Bashkëpunimit Rajonal publikon rezultatet e Barometrit Ballkanik – sondazhi vjetor i realizuar me gjashtë mijë qytetarë nga i gjithë Ballkani Perëndimor, duke dhënë një pasqyrë mbi opinionet e tyre rreth bashkëpunimit rajonal, integrimit në BE, besimit tek institucionet publike dhe media, shqetësimet e tyre më të mëdha, punësimi, ndryshimet klimatike, siguria, jeta digjitale, transporti, sundimi i ligjit, udhëtimet, etj.</p>
<div class="des-adv"></div>
<p>Sioas njoftimit për shtyp, ‘Barometri Ballkanik zbulon 3 tendencat kryesore të opinionit publik në Ballkanin Perëndimor. Së pari, lajmi i mirë, 76% e njerëzve besojnë se bashkëpunimi rajonal është i mirë për zhvillimin e ekonomive të tyre. Për më tepër, 69% janë dakord se ajo që i bashkon qytetarët e Ballkanit Perëndimor është më e rëndësishme se ajo që i ndan ata.</p>
<p>Lajmi i dytë, mbështetja për integrimin në BE: rezulton 59% ose 3% më pak se në 2021.</p>
<p>Dhe i treti është shqetësimi mbi shpopullimin, pasi 44% mendojnë të jetojnë jashtë vendit, 5% më shumë se në 2022. Është gjithashtu jashtëzakonisht shqetësuese se 71% e të rinjve po mendojnë të largohen nga vendi i tyre”, tha Sekretarja e Përgjithshme e RCC, Majlinda Bregu.</p>
<p><strong>Balkan Barometri 2023, edicioni i Opinionit Publik rezultatet kryesore:</strong></p>
<div class="des-adv"></div>
<p>⢠1 në 5 qytetarë e lidh Ballkanin me shpresë ose bashkëpunim.</p>
<p>⢠Për 15% të qytetarëve, Ballkani do të thotë besim, por për 1 në 10, do të thotë frikë.</p>
<p>⢠51% janë të pakënaqur me situatën ekonomike</p>
<p>⢠27% thonë se korrupsioni është problemi më i madh</p>
<div class="des-adv"></div>
<p>⢠69% thonë se ligji nuk zbatohet për të gjithë në mënyrë të barabartë – 7% më shumë se në 2022</p>
<p>⢠45% ndihen të kërcënuar nga mbajtja dhe keqpërdorimi i paligjshëm i armëve</p>
<p>⢠71% thonë se lufta në Ukrainë ndikoi ndjeshëm në fuqinë e tyre blerëse</p>
<p>⢠75% nuk u besojnë partive politike</p>
<div class="des-adv"></div>
<p>⢠65% shprehën një shqetësim të shtuar në lidhje me përhapjen e lajmeve të rreme.<a href="https://www.monitor.al/49-e-shqiptareve-mendojne-qe-te-jetojne-e-punojne-jashte-vendit-rekord-ne-rajon-me-gjithe-kosoven/" target="_blank" rel="noopener">/Monitor</a></p>


Kryetari i Deçanit, Bashkim Ramosaj, ka ndarë lajmin e dhimbshëm për vdekjen e një nëne…
Një video e re nga një kënd tjetër që tregon aeroplanin e “Air India” duke…
Një burrë britanik që pretendon se ka mbijetuar aksidentin në Ahmedabad ka përshkruar momentin kur…
LDK-ja, e cila refuzoi të bashkëqeverisë me LVV-në, dëshiron Qeveri të Unitetit me përfshirjen e…
Një emigrant shqiptar në Greqi është bërë personazhi i ditës në mediat e vendit fqinj…
Një avion pasagjerësh i “Air India” u rrëzua në aeroportin e Ahmedabad, një qytet në…