17 ditë më parë, më saktë më 21 mars, një limuzinë nga autokolona e sigurisë së Milan Radoiçiqit u përplas me një makinë që brenda kishte prindërit e një prej shefave të policisë së Beogradit dhe të gjitha mediat pro-qeveritare heshtën për lajmin.
R. M vdiq nga plagët e marra dje në një spital të Beogradit dhe bashkëshorti i saj është ende në terapi intensive.
Rasti ka ndodhur në rrugën Brus-Kopaonik. Mediumi serb Radar e raportoi lajmin për herë të parë më 1 prill në artikullin se rojet e sigurisë së Milan Radoiçiqit plagosën rëndë një çift të martuar.
Më pas Radar zbuloi se çifti që u aksidentuar kur Lada e tyre, e cila po udhëtonte në korsinë e djathtë, u godit nga një limuzinë Skoda parakaluese, brenda kishte dy të rinj nga sigurimi i Radoiçiqit.
Automjeti i tipit Skoda ishte në kolonën e automjeteve që normalisht siguronin Radoiçiqin. Parakalimi fatal është nisur nga një xhip me targa të huaja dhe drejtuesi i Skodës e ka ndjekur dhe më pas është përplasur me veturën e tipit Lada, ku ndodheshin dy të moshuarit.
Pavarësisht se çifti i të moshuarve mbeti i plagosur rëndë dhe të dyja mjetet u shkatërruan plotësisht, siç shihet edhe në fotografi, dy të rinjtë që shkaktuan përplasjen nuk kanë kaluar as procedurën e zakonshme policore në situata të tilla. Ata nuk kanë pësuar lëndime, ndërsa bashkëshortët e lënduar janë transferuar në terapi intensive. Sipas gjetjeve fillestare, të dy kanë mbetur të plagosur rëndë, ndërsa mjekët kanë vlerësuar fillimisht se bashkëshorti ishte në rrezik për jetën. Ndërkohë gjendja e të plagosurës R. M. u komplikua edhe më shumë dhe fatkeqësisht ajo ndërroi jetë 17 ditë pas aksidentit.
Siç raporton Radar, ky aksident i rëndë trafiku, tashmë fatal, u shoqërua përveç mosveprimit të institucioneve – sepse policia dhe prokuroria nuk bënë atë që bëjnë zakonisht kur një aksident shkaktohet nga qytetarë të thjeshtë – edhe nga heshtja e mediave të regjimit. Asnjëri prej tyre nuk raportoi as një lajm të shkurtër se aksidenti trafiku madje kishte ndodhur. As Ministria e Brendshme nuk ka dalë me ndonjë deklaratë zyrtare për këtë aksident.
