Akuza të ashpra nga Bulliqi: Isa Mustafa dhe klani i tij janë argatë të Thaçit

Akuza të rënda ka lëshuar deputeti i Lëvizjes Vetëvendosje, Shpejtim Bulliqi, në drejtim të Lidhjes Demokratike të Kosovës.

Bulliqi po thotë se tashmë të gjithë e dinë se kryetari i Lidhjes Demokratike të Kosovës, Isa Mustafa dhe klani i tij janë argatë të Presidentit Hashim Thaçi.

Sipas tij, ekzekutivi i ri në krye me Avdullah Hotin është e qeveri e Hashim Thaçit dhe vartësve të tij për të vazhduar zhvatjen e mëtejme të shtetit.

Postimi i plotë nga Bulliqi:

Të nderuar qytetarë të Kosovës, ndodhitë e ditëve të fundit, ua hoqën dilemat edhe atyre pak njerzëve që mendonin se LDK-ja e Isës dhe klanit të tij, përfaqësojnë interesat e LDK-së dhe elektoratit të saj.

Tashmë të gjithë e dinë që ky, dhe kllapa e tij që e kanë uzurpuar LDK-në kanë qenë dhe janë argat servilë të Hashim Thaçit, si dhe qeverinë që vodhi mandat ua krijoj Hashim Thaçi përmes servilëve të tij, duke u siguruar votat Avdullahut dhe klanit, dallimi i vetëm është se kësaj radhe ju kanë rënë maskat.

Kjo është qeveri e Hashim Thaçit dhe vartësve të tij për të vazhduar zhvatjen e mëtejmë të shtetit.