Koordinatori i Gjermanisë për lidhje transatlantike ka kritikuar vendimin e Presidentit amerikan Donald Trump, për tërheqjen e mijëra trupave nga Gjermania.
Trump ka urdhëruar ushtrinë amerikane që të largojë 9,500 trupa nga Gjermania, tha të premten një zyrtar i lartë amerikan.
“Kjo është plotësisht e papranueshme, veçanërisht pasi askush në Uashington nuk mendoi të informonte paraprakisht aleatin e saj të Gjermanisë në NATO”, tha Peter Beyer, një anëtar i konservatorëve të Kancelarit Angela Merkel, për gazetën Rheinische Post.
Pas vendimit të Trump, Ministri i Jashtëm gjerman Heiko Maas tha në një intervistë në gazetë se ai pendohet për tërheqjen e planifikuar të ushtarëve amerikanë nga Gjermania, duke përshkruar marrëdhëniet e Berlinit me Shtetet e Bashkuara si “të ndërlikuara”.
