Ariu i uritur zbriti nga pylli në fshat dhe shkatërroi këdo që i doli përpara

TURQI-Në lagjen Çatak të Vanit, ariu, i cili nuk gjeti ushqim në pyll dhe zbriti në fshat, vrau 34 dhi dhe keca në stallë dhe shaktërroi kosheret.

Ngjarja ka ndodhur në lagjen Dalbastı, e cila është 25 kilometra larg qarkut Çatak të Van të Turqisë.

Një ari, i cili nuk ka gjetur ushqim në pyll, ka zbritur në fshat, ka hyrë në 3 stalla, ka vrarë 34 dhi dhe keca dhe ka dëmtuar rreth 30 koshere bletësh. Tayfur Örek, i cili jeton në rrethin Dalbastı dhe merret me blegtori, tha: “Ne merremi me blegtori. Kemi edhe bletë edhe dhi. Mbrëmë dhe sot, ariu erdhi në fshatin tonë dhe na shkatërroi bletët dhe hambarët. Ariu ka dëmtuar 25-30 koshere bletësh, ka vrarë 7 dhi”, tha ai.

Ai bëri një vrimë në çati dhe hyri

Sabri Bıyık, i cili jeton në të njëjtën lagje, tha se ariu nuk mund të hynte në stallë me derën e hekurt, por ai bëri një vrimë në çati dhe u fut kështu në stallë. Duke thënë se ariu që hyri në stallë e tyre vrau dhi dhe keca, Bıyık tha se ndërsa ariu shkoi në një stallë tjetër dhe theu derën, kafshët ia mbathën në pyll dhe u shpërndanë.