Inspektorati i Policisë së Kosovës njoftoi të hënën se është arrestuar një rreshter policor në Pejë, me dyshimin se ka kryer veprat penale “lëndim i rëndë trupor” dhe “kanosje”.
Sipas njoftimit, zyrtari ka kryer veprat penale jashtë kohës sa ishte në detyrë, por megjithatë vepra lidhet me punën. Ai dyshohet se lëndoi rëndë dhe kanosi kolegen e punës.
“Hetuesit e IPK-së kanë dalë në vendin e ngjarjes dhe në koordinim me Prokurorin kujdestar kanë ndërmarrë disa veprime hetimore, kurse viktima (zyrtare policore) është dërguar për trajtim mjekësor. Pas këtyre veprimeve hetimore, zyrtarit policor me vendim të prokurorit i është caktuar masa e ndalimit për 48 orë me dyshimin se ka kryer veprën penale ‘Lëndim i rëndë trupor’ dhe ‘kanosje’.
Ai është suspenduar, derisa hetuesit e IPK-së njoftuan se do të ndërmarrim edhe veprime të tjera hetimore.
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…