Pesë ditë pas pushtimit rus të Ukrainës , duket se gjërat nuk kanë shkuar ashtu siç ishte planifikuar për Vladimir Putinin deri më tani.
Sipas CNN, forcat ruse kanë hasur në rezistencë më të ashpër se sa pritej nga një ushtri ukrainase e papërgatitur dhe e paarmatosur.
Rusia deri më tani ka dështuar në marrjen e qyteteve kryesore në të gjithë Ukrainën, e as kryeqytetin Kiev. Të dielën, forcat ukrainase zmbrapsën me sukses një avancim rus në një aeroport strategjik pranë Kharkiv, qyteti i dytë më i madh i Ukrainës, i cili ka qenë nën sulm pothuajse të vazhdueshëm.
Përveç një sulmi të ashpër nga forcat ukrainase dhe civilët, pushtimi rus ka pësuar sfida logjistike , me ushtarët në vijën e frontit që kanë mungesë karburanti, municioni dhe ushqimi.
“Ata kanë probleme. Atyre u mungon nafta, ata po ecin shumë ngadalë dhe morali është padyshim një problem,” tha një zyrtar i NATO-s për forcat ruse.
Por një zyrtar i lartë i mbrojtjes amerikane u tha gazetarëve të dielën se Rusia ka përdorur vetëm dy të tretat e fuqisë totale luftarake të aplikuar në mision, duke lënë në dispozicion një sasi të konsiderueshme forcash për të shtyrë ofensivën.
Ndërsa pushtimi hyn në javën e tij të dytë, është e pamundur të injorohet fakti se planet e Putinit janë përballur me rezistencë më të fortë sesa ai e imagjinonte ndonjëherë.
Irani ka përjetuar një tjetër natë ferri. Shpërthime të fuqishme kanë ndodhur një nga aeroportet…
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…
Presidenti Donald Trump mirëpriti të enjten një grup pasotrësh në Zyrën Ovale një grup klerikësh…
“Edhe të pasurit qajnë në kohë lufte.” Konflikti i fundit në Lindjen e Mesme po…