Një ngjarje e rëndë ka ndodhur pasditen e së premtes në Shkozet të Durrësit. Nga të dhënat e para, mësohet se 3 persona kanë mbetur të plagosur, mes të cilëve edhe prokurori Arjan Ndoja.
Nga të dhënat e para, mësohet se është qëlluar me breshëri në drejtim të një automjeti tip “Benz”, i cili ka dalë nga rruga pas të shtënave.
Prokurori ka qenë pasagjerë në makinë, ndërsa është qëlluar edhe në drejtim të shoferit dhe të një vajzë.
Personat e tjetër të plagosur janë identifikuar si shtetasit A.L., 48 vjeç dhe A.M., 30 vjeç. Shtetasi A.M. është nisur për mjekim të specializuar në Spitalin e Traumës në Tiranë, ndërsa dy shtetasit e tjerë ndodhen në Spitalin Rajonal Durrës, jashtë rrezikut për jetën.
Policia e Durrësit është vënë në ndjekje të autorëve, po krihet zona dhe në të gjitha akset rrugore që lidhen me Durrësin janë ngritur pika kontrolli.
Arjan Ndoja është prokurori i dosjes së Hipotekës së Durrësit, i cili është akuzuar nga Kryeministri Rama dhe Zëvendëskryeministri Braçe se bashkëpunon me grupet kriminale.
