Një grua nga Teheran ka deklaruar se shumë iranianë janë aq të lodhur nga represioni dhe dhuna, sa disa prej tyre thonë se do të preferonin të përballeshin me bombardimet sesa me burgjet e shtetit.
Në një intervistë për BBC, ajo tha se askush nuk dëshiron luftë, por situata e brendshme në vend ka qenë e padurueshme për shumë qytetarë.
“Askush nuk e pëlqen luftën, është e frikshme”, tha ajo. “Por ato dy muaj ishin aq të tmerrshëm sa njerëzit nuk mund ta përballonin më”, shtoi ajo, duke iu referuar shtypjes së dhunshme të protestave nga qeveria iraniane në fillim të këtij viti.
Sipas saj, disa qytetarë ndihen të dëshpëruar për shkak të frikës nga burgjet e Iran.
“Njerëzit do të preferonin të vdisnin nga bombardimet sesa në burgjet e Republikës Islamike, ku ka tortura dhe dhunë seksuale,” tha ajo.
Gruaja shtoi se kjo situatë mund të jetë e vështirë për t’u kuptuar nga njerëzit që jetojnë jashtë vendit.
“Iranianët nuk janë luftënxitës dhe as të pamend”, theksoi ajo. “Ata thjesht kanë vuajtur aq shumë sa kanë arritur në kufirin e durimit dhe gjithçka që duan është një jetë normale”.
Irani ka zgjedhur djalin e të ndjerit Ajatollah Ali Khamenei si udhëheqësin e ardhshëm suprem…
Konflikti në rritje mes Shteteve të Bashkuara të Amerikës dhe Iranit po vazhdon të shkaktojë…
Interneti është ndërprerë dhe qytetarët e zakonshëm që nuk kanë VPN nuk mund të lidhen…
Një klip i fjalimit të Presidentit rus Vladimir Putinit u botua ditën e sotme aksidentalisht…
Forcat ajrore izraelite sulmojnë infrastrukturën iraniane të naftës në Teheran. IDF njoftoi se ndërmori një…
Një sistem mbrojtës ajror u aktivizua pranë Ambasadës Amerikane në Bagdad të shtunën në mbrëmje,…